Inter lakah Roma an tlawm

Serie A champion lai leh champion nawn tum Inter Milan hmaah AS Roma an ding a, Jose Mourinho hoa Champions League khelh tum Roma hi 3-1 in an tlawm, palina nih phak a harsa tawh ang.

Inter tan Denzel Dumfries, Marcelo Brozovic leh Lautaro Martinez ten goal khat ṭheuh an khung a, mikhual Roma goal neih chhun hi hun tawp dawna Henrikh Mkhitaryan khung niin, point hlawh chhuah nan a tawk zo lo.

Match khelh zat inangah Inter hian AC Milan aiin point khatin an hmu hnem, Roma erawh an chunga awm Juventus aiin point ngain an hniam zawk a, match khata an khelh tam bawk avangin palina nih phak a harsa tawh ang.

Inter manager Simone Inzaghi chuan, "Ka nauten hetiang em em a theihna an nei sang hi a mak ka ti, theihtawp an chhuah reng theih avangin ka lawm," a ti. Tun hnaiah Milan hnehin Coppa Italia final an inhlangkai tawh bawk a ni.

A club hlui ngam lotu Mourinho chuan, "Inter chu Inter an la ni reng. Seria A team ṭha ber a ni a, player ṭha awmkhawm an nih bawk avangin kan inkhel tawk lo," tiin team ṭha leh chak phu zawkin hnehna an chan thu a sawi ve bawk.