Marin leh Hyderabad chak lo

Mumbai Rockets star Sung Ji Hyun chuan an intawn vawi thuma a vawi khat nan Carolina Marin chu 11-7, 7-11, 14-12 in a hneh a, Nilaini zan Vodafone Premier Badminton League 2017 inkhelah Mumbai hian 2-1 in Hyderabad Hunters an hneh.

Rio Olympic champion Marin hian a match hmasa lamah P.V. Sin­dhu leh Saina Nehwal te lo hneh tawh mah se South Korean shuttler lakah world number 2 Marin a khel-ṭha tawk lo a, a team a chak pui zo lo.

Mumbai Rockets tan hian In­dian shuttler H S Prannoy chuan singles-ah Sameer Verma 11-6, 11-7 in a hneh a, doubles-ah Lee Yong Dae leh P Nipitphon ten hnehna an chang ve bawk.

Zanin hian PBL inkhel pakhat a awm leh dawn a, dar 7:00-ah Awadhe Warriors leh Mumbai Rockets te an inkhel leh ang.

Inkhel Results
Mumbai Rockets 2 - 1 Hyderabad Hunters
Lee Yong Dae & bt Boon Heong Tan & 11-9, 11-5
P Nipitphon Wee Kong Tan
Sung Ji Hyun bt Carolina Marin 11-7, 7-11, 14-12
Ajay Jayaram lost to Rajiv Ouseph 7-11, 8-11
Lee Yong Dae & lost to Satviksairaj Reddy &
Nadiezba Zeiba Hoi Wah Chou 13-11, 10-12, 14-15
H S Prannoy bt Sameer Verma 11-6, 11-7