A tawp nan Mumbai City

AFC Champions League-a an match tawp ber chu Mumbai City FC-in zanin dar 1:45-ah an khel dawn a, Air Force Sports Club nen an inkhel ang.

Lallianzuala Chhangte, Lalengmawia leh Hmingthanmawia te telna Mumbai hian Air Force SC hi 2-1 in an lo hneh tawh a, mahse, match nga an khelh aṭanga point li chiah an hmuh avangin Champions League-ah beisei tur an nei tawh lo.

Iraq club Air Force erawh an chak chuan last 16 luh beiseina a la awm a, Mumbai lakah hnehna chan ngei tumin an khel ang - an chak chuan west region-a pahnihna ti ṭha pathum zinga telna chance an la nei a, an tel phak chuan last 16 an lut ang.

Mumbai awmna group B-ah hian Al Shabab chu hmahruaitu an ni chiang tawh a, last 16 an lut tawh - Mumbai hi chu chak pawh ni se west region-a pahnihna ti ṭha pathum zingah an tel phak tawh dawn lo a ni.