Djokovic hnehin Rublev a champion

Serbia Open khelh zawh takah Novak Djokovic chu final-ah a chak lo. Tualchhung tlangval hi Andrey Rublev lakah 6-2, 6-7 (4-7), 6-0 in a chak lo, set hnuhnung berah Russian star a chungnung hle.

Kum 24 mi Rublev tan kumina a nomawi hmasa ber a ni a, world number 1 Djokovic laka a chak vawi khatna a ni. An inkhelhna hi Serbia a nih bawk avangin a lawmawm zual ngei ang.

Season kal laiah Djokovic a la che fuh thei lo thung. Hripui laka invenna a lak duh loh avangin Australian Open a khel thei lo a, chumi hnuin US-ah a inkhel thei lo zui, kuminah nomawi a la chawi miah lo.

Tennis inelna dang Barcelona Open-ah Carlos Alcaraz a champion. Tunlai tennis player chhuak thar zinga ṭha a nihzia lantir nan, amah ang bawka Spanish player Pablo Carreno Busta chu 6-3, 6-2 in a hneh.