National Sub Junior Football Mizoramin Manipur hneh

National Sub Junior Football Championships North East Zone quali­fying khelh mekah Mizoram Sub Junior team chuan nimin tlai khan Manipur 2-1 in an hneh.

Bokakhat Stadium, Assam-a inkhelah first half-ah goal a lut lo a, second half-ah minute 61-naah Manipur hian penalty aṭangin goal khung hma­sa mah se Mizoram hian an bei let a, 2-1 in an hneh.

Mizoram tan hian Leng­pui naupang Lalro­kima (68') leh Kolasib naupang Lal­nunsanga (77') ten goal an thun.

Mizoram hian Pathian­ni tlaiah Aruna­chal Pra­desh an hmachhawn leh dawn a, hneh-na an chang a nih chuan final round khel turin an tling ang.

Mizoram coach Van­romawia (VR-a) chuan, "Keini aiin an pumrua a lian zawk a, goal kan phurh hnuah huaisen tak kan nawr let avangin hnehna kan chang thei a ni," tiin Vanglaini palai a hrilh.