African player thiam ber Mahrez

Confederation of African Foot­ball player of the year award chu Leicester forward Riyad Mahrez hnenah hlan a ni. Kum 25-a upa Mahrez hian season hman zawh taka Foxes-in Premier League nomawi an chawina kawngah goal 17 khungin assist 11 a nei a, PFA Player of the Year leh BBC African Footballer of the Year-ah thlan a lo ni tawh bawk.

Algeria international hian he chawimawina dawng tur hian Borussia Dortmund forward Pierre-Emerick Aubameyang leh Liverpool winger Sadio Mane te chu a khum a ni. Arsenal leh Nigeria forward Alex Iwobi chu Young Player of the Year-ah thlan niin Nigeria international leh Manchester City striker ni bawk Kelechi Iheanacho chu Most Promi­sing Player-ah thlan a ni thung.