Hull boss thar Marcos Silva

Mike Phelan an ban hnu lawkah Hull City chuan coach thar atan Olympiakos manager hlui Marco Silva an lakluh thu an puang. Kum 39-a upa manager hian KCOM Stadium-ah season tawp thleng cham turin contract a ziak a ni.

Portuguese manager hian kum 2011 khan player a nih laia a hun tam zawk hmanna second division club Estoril-ah a career ṭanin a season hmasa berah Portuguese Primeira Liga khel turin a tlinpui nghal a, kum 2014 a Sporting Lisbon a zawm hmain Europa League khel turin a inhlankaipui bawk.

Sporting hi Portuguese Cup-ah champion pui mah se nomawi a chawi aṭanga ni li hnu lekah round hmasa lama club official suit a hak loh avangin ban a ni a, Olympiakos lamah a kal. Greek club hi tualchhung football a match 17 a zawna chak puiin record thar a siam a, league nomawi chawi nghal mah se nipui lai khan a hna hi bansanin Hull a zawm hma hian club enkawl a nei lo.

Silva hian zanin dar 8:30 a boss thar Paul Clement hnuaia khel tur Swansea City nen FA Cup third round an khelh hunah Hull hi a kaihruai nghal ang.