Proteas-in Sri Lanka an hneh

South Africa-in Ningani khan Sri Lanka chu run 282 zetin an sawp a, test series vawi thum khelh turah vawi hnih hnehna an chan tawh avangin an chak chiang tawh. January 12 khian Wanderers Stadium-ah test match hnuhnung ber an khel ang.

South African fast bowler Kagiso Rabada-a'n run 92 lek pein wicket 10 a la a, chakna kawngah a pawimawh hle. KG hming­lem an pek kum 21-a upa bowler hian first innings-ah wicket li a la a, second innings-ah wicket ruk a la leh bawk. Proteas hian bat hmasain run 392 an siam a, Sri Lanka erawhin first innings-ah run 110 chiah an siam thung.

South Africa-in an dinhmun a ṭha tih hriain second innings-ah run 224 an siam tihin wicket pasarih chiah la hloh mah se an declare a, Lions (Sri Lanka sawina)-in ni tawp ber an thleng lo - ni linaah run 224 an siam tihin an out fai vek. Newlands Stadium-a inkhelah mual­neitu South Africa hi run 282 in an chak.