Fury chungah Whyte a lawm lo

Pathianni zing khan Tyson Fury chuan WBC heavyweight kawnghren a kawl lai humhim turin Dillian Whyte a hneh a, round ruknaah a British pui boxer hi a knockout.

Mahse, thil thlen danah Whyte a lawm lo a, Fury chuan a hnek zawhah a nam lui niin a sawi. Kum 34 mi boxer chuan, "Ka lu chu a hai ngei a, mahse, inthinharh ka tum lai takin a kutin min nawr zui. Ka tlu a, ka lu ka sawh - kha kha phal loh a ni," a ti.

Kum 34 mi Whyte hi Fury hian uppercut hmangin mawi zetin a hnek a, a hnek zawh hian a kuttumin a nawr zui a ni. Whyte chuan, "Chiang takin min hnek fuh a, kha chu phat tur a awm lo.

"A hnek kha a ṭha em em a, mahse, insiamrem ka tum lai takin min nawr zui a, a kut pahnih a thawh a ni. Hei hi wrestling ni loin boxing a ni a, insiamrem turin extra time phalsak tur ka ni," a ti a, British boxer hian lawm a harsat rih.

Whyte hian vawi 31 fight a hmachhawnah vawi 28 hnehna a chang a, vawi thum a tlawm tawh. World heavyweight champion la ni lo mah se boxer ṭha Alexander Povetkin leh Joseph Parker hneh thei a ni a, Fury, Anthony Joshua leh Povetkin (intawn hmasa zawk) lakah chiah a la tlawm.