Kulikawn leh Luangmual tan chak a ngai

Mapuia Memorial Mizoram Cricket League-ah Kulikawn leh Luangmual ten semifinal an la beisei a, vawiin chawhnu dar 1:00 hian Suaka Cricket Stadium, Sihhmuiah team pahnih hi an intawng ang.

Team paruk zingah Chanmarians leh Ramhlun Venglai ten semifinal an lut chiang tawh. Chhinga Veng pawh an hnuaia awm Kulikawn leh Luangmual an la inhmachhawn dawn avangin an tling, hmun ruak pakhat a la awm tihna a ni.

Nimin round 9 inkhelah Kulikawn hian Vikash Kumar-a run 82 siam hmangin Bawngkawn South an hneh a, C. Lalrinsanga (25 runs) chuan a thlawp ṭha viau bawk. Match kua an khelh tawha vawi thum an chakna a ni.

Inkhel hnuhnung zawkah Luangmualin Chanmarians an chai thei viau, mahse hun pawimawh laiah run an siam theih miah loh avangin a tawpah 9 runs-in an chak lo. Chanmarians hian inelna neih laiah match kua khel tawhin hmahruaitu an ni chiang tawh.

Kulikawn leh Luangmual hi tournament tir lamah an inhmachhawn tawh, an intawn hmasakin Luangmual hian wicket liin hnehna an chang. Tunah chuan chak ngei ngei ngai an ni a, inkhel a hmuhnawm zual ang.

Vawiin Inkhel Tur
Round 9
Chhinga Veng 09:00 AM Ramhlun Venglai
Round 10
Luangmual 01:00 PM Kulikawn

April 28, Ningani
Ramhlun Venglai 09:00 AM Bawngkawn South
Chhinga Veng 01:00 PM Chanmarians

Nimin Inkhel Results
Kulikawn 164/5 (20) bt Bawngkawn South 87/10 (19.1)
Kulikawn hi 77 runs-in an chak
Toss: Kulikawn lamin vuak hmasak an thlang
MoM: Vikash Kumar, Kulikawn
Chanmarians 109/6 (20) bt Luangmual 100/5 (20)
Chanmarians hi 9 runs-in an chak
Toss: Chanmarians lamin vuak hmasak an thlang
MoM: Lalhriatrenga, Chanmarians