Saitual DFA Cup an khel ṭan

Tualchhung infiamna pawhin hripui len hnuah ngai a awh chho leh mek. Nimin aṭang khan Saitual District Football Association Cup 2022 pawh khelh ṭan a ni a, inelna hian a ni hmasa ber aṭangin ngaihhlut a hlawh.

Tournament hi Keifang Centenary Football Ground-ah khelh niin; Saitual DFA hnuaia zone paruk - Rulchawm, Tualbung, Phullen, Suangpuilawn, Hliappui leh Ngopa champion ṭheuhte bakah, Saitual khawpui chhunga club pasarihten inelna hi an hmachhawn.

Knockout hmanga khelh a ni a, ni tin inkhel a awm ang. Ruahman dan chuan April 30, Inrinniah a hmawr bawkna neih a ni ang.

Saitual DFA hian thla hmasa khan Mizoram Football Association buatsaih MFA Cup chu hlawhtling takin a lo thleng tawh a, ram pum huap inelnaah hian Champhai an champion.

Nimin Inkhel Results
Venglai FC 6 - 2 Vengthar FC
Melveng FC 1 - 1 Changzawl FC
Penalty-ah Melveng hi 3-1 in an chak
Vawin Inkhel Tur
Kanana FC 11:00 AM Mimbung FC
Rulchawm FC 01:00 PM Venghlun FC