Verstappen tan Laureus Award

Infiamna peng hrang hrang a mite hmun khata chawimawina - 2022 Laureus World Sports Award sem a ni a, award ngaihhlut Sportsman of the Year award chu Max Verstappen hnenah hlan a ni.

Dutch tlangval Vers-tappen hian season hmasa khan a vawi khat nan F1 title a la. Car intlansiakna sang berah hian, bawi sarih zet champion tawh Lewis Hamilton nen a tawp thlengin a inbei a, a hmawr bawknaah che fuh zawkin a champion.

Sportsman of the Year ni tur hian - Novak Djokovic (tennis), Caeleb Dressel (swimmer), Eluid Kipchoge (athletics), Robert Lewandowski (football) leh Tom Brady (American football) te chu a khum a ni.

Laureus Award hi 2000 aṭanga sem ṭan kha a ni a, tennis legend Roger Federer chu Sportsman of the Year atan thlan ngun ber niin award hi vawi nga a dawng tawh. Footballer zingah Lionel Messi (2020) chu dawng thei awmchhun a ni bawk.

Sportsman of the Year Award: Max Verstappen (Formula 1)
Sportswoman of the Year Award: Elaine Thompson-Herah (Athletics)
World Team of the Year Award: Italy Men’s Football Team
Breakthrough of the Year Award: Emma Raducanu (Tennis)
Comeback of the Year Award: Sky Brown (Skateboarding)
World Sportsperson of the Year with a Disability Award: Marcel Hug (Wheelchair Athletics)
World Action Sportsperson of the Year Award: Bethany Shriever (BMX)
Lifetime Achievement Award: Tom Brady (American football)
Academy Exceptional Achievement Award: Robert Lewandowski
Sporting Icon Award: Valentino Rossi (Motorcycle Racing)
Sport for Good Award: Lost Boyz Inc (Baseball)
Sport for Good Society Award: Real Madrid Foundation
Athlete Advocate of the Year Award: Gerald Asamoah and the Black Eagles (football)