Everton-in chhanna an duh

Merseyside derby-ah Pathianni zan khan Everton-in an hmelma Liverpool chu 2-0 in an hneh lo. Anfield-a inkhelah hian goal a luh hmain Toffees forward Anthony Gordon chu box chhungah Reds defender Joel Matip-a'n a titlu a, penalty an pe lo.

Everton chuan Professional Game Match Officials Limited (PGMOL) hnenah thil thleng chu zirchian a nih loh chhan an zawt dawn. Inkhelh banah Frank Lampard chuan, "Penalty a ni a, Anfield a nih avangin min pe lo. Kop end lamah Mohamed Salah kha khatiang chiah khan ti tlu ve se, penalty an pe chiang bawk ang. Mahse Anthony laka foul a ni miau si," tiin referee-te chu thlei bik neiah a chhuah.

Football Association chuan Lampard hi a thusawi chungchanga insawifiah turin an hriattir tawh a, hrem theih dinhmunah a ding. Chutihrualin English manager Lampard leh a hote erawh an vanduai vawi hnihna a ni tawh.

Everton hian Man-chester City an hneh loh ṭumin Spanish midfielder Rodri chuan box chhungah a kutin ball a la thla a, penalty an pe lo. PGMOL-in a hnuah ngaihdam an dil leh a, a pawi tur ang erawh a pawi vek tawh thung.