Semifinal khel tur Kulikawn

Mapuia Memorial Mizoram Cricket League-ah semifinal khel tur a hriat kim, nimin khan hmunruak pakhat la awm inchuhah Kulikawn chuan Luangmual an hneh a, a thiam pali zingah an inhlangkai.

Vawiin hian league round khelh zawh a ni dawn. Tlawm la nei lo Chanmarians chuan Chhinga Veng an tum dawn a, semifinal lut fel tawh Ramhlun Venglai chuan table mawngphah luahtu Bawngkawn South an hmachhawn bawk ang.

Tournament-ah hian team paruk an inel, an inkhelh kual vek hnuah a sang pali ten semifinal an lut. Semifinal aṭang chuan knockout a ni tawh dawn, chak lo chuan puanthuah an tel nghal zel tawh dawn tihna a ni.

Nimin Inkhel Results
Chhinga Veng 137/5 (16) bt Ramhlun Venglai 72/10 (13.2)
Chhinga Veng hi 65 runs-in an chak
Toss: Chhinga Veng lamin vuak hmasak an thlang
MoM: Rinsangzela, Chhinga Veng
Kulikawn 154/4 (20) bt Luangmual 122/10 (17.5)
Kulikawn hi 32 runs-in an chak
Toss: Kulikawn lamin vuak hmasak an thlang
MoM: Vikash Kumar, Kulikawn

Vawiin Inkhel Tur
Ramhlun Venglai 09:00 AM Bawngkawn South
Chhinga Veng 01:00 PM Chanmarians