Thawnthu ngai neih nawn tum West Ham

A rei vang vang tawh, 1976 hi chu Mizoram buai vanglai a la ni. Hetih hunlai hian West Ham chuan European Cup Winners' Cup semifinal-ah Eintracht Frankfurt an lo hneh tawh a, an sulhnu ropui ang hi kuminah neih leh theihna remchang an nei mek.

Zanin dar 12:30 hian Hammers chuan London Stadium-ah Eintracht Frankfurt hi an lo mikhual dawn, tun ṭuma an khelh tur erawh Europa League semifinal fist leg a ni, semifinal lehlamah RB Leipzig leh Rangers an inkhel bawk ang.

David Moyes-a'n West Ham hi a siamṭha a, season duhawm an hmang mek. Europa League lama result an neih ṭhat bakah hian Premier League-ah pawh club lian dangte tana hnawk an ni phak, pasarihna an ni mek.

Kar tawp league match an khelh ṭumin Moyes hian Declan Rice, Jarrod Bowen leh Michail Antonio te chu bench lamah a dah. Chelsea laka a player ṭha a chawlhtir chhan chu Europa League a ngaih pawimawh vang a ni.

German club hmaah chuan Moyes hian a neih ṭhat ber ber a thawhchhuah pui dawn, second leg hi German rama khelh tur a nih dawn avangin zaninah a tam thei ang goal khung an tum ang, chutih rualin goal chhuah loh tum a ngai dawn bawk.