Hopman Cup champion France

Ram leh ram tennis mixed team hmanga inelna Hopman Cup-ah France chuan 2-1 a United States hneh­­in a vawi hnih nan cham­­pion nomawi an chawi.

Perth, Australia-a final khelhah France tan mipa singles-ah Richard Gasquet chuan Jack Sock 6-3, 5-7, 7-6 (8-6) in a hneh nghal. US hian hmeichhe inelna lamah Coco Vandeweghe hmangin Kristina Mladenovic chu 6-4, 7-5 in an hneh let a, match hnih khelh aṭangin 1-1 chiah a ni.

Match thumnaah doubles khelh niin Gas­quet leh Mladenovic te ṭangdun hian 4-1, 4-3 (5-0) a hnehna changin an ram an champion pui.

Kum 2014 khan France hi he inelnaah hian an lo champion tawh bawk a, kha mi ṭum khan Alize Cornet leh Jo-Wilfried Tsonga te chuan inkhel pawimawhah hnehna an lo chang tawh bawk.