Hunters chakpuitu Marin

Premier Badminton League khelh mekah Carolina Marin a langsar leh ta. Rio Olympic champion Marin hian trump game pawimawh takah Ashwini Ponnappa hnehin Hyderabad Hunters chu Bengaluru Smashers lakah 4-3 in hnehna a chanpui.

Inrinni zan inkhelah world number 2 Marin hian deciding match-ah Ponnappa 9-11, 11-5, 11-8 in a hneh. Hunters tan Marin bakah hian Sameer Verma chuan hnehna a chang ve bawk a, ti hian match li an khelh aṭanga point kua hmuin semifinal luh beiseina an nei lian tawh hle.

Zirtawpni zan inkhela Indian shuttler pahnih inhmachhawnah Mumbai Rockets tan Ajay Jayaram chuan Kidambi Srikanth chu 5-11, 15-14, 11-5 a hnehin a team chu 4-3 in hnehna a chanpui.

Munbai tan hian Indian shuttler H. S. Prannoy chuan trump match-ah Wing Ki Vincent Wong 14-12, 9-11, 11-8 in a hneh ve bawk. Mumbai hian match thum an khelh tawh aṭanga point 12 hmuin table-ah pahnihna an ni mek.

Zanin hian inkhel pakhat a awm leh dawn a, table-a hmahruaitu Awadhe Warriors leh Bengaluru Blasters an inhmachhawn ang.