I League en man a tlahniam

Aizawl FC-in Zirtawpni tlai 1:30 hian RG Stadium, Mualpuiah Minerva Punjab an hmachhawn ang a, inkhelh en man hi season liam ta aiin a tlawm zawk ang.

Mizorama I League inkhel hmasa berah Aizawl FC leh Bengaluru FC te an inkhel a, ticket man chu Rs 1000, Rs 500, Rs 200 leh Rs 100 te a ni a, en man tlawm ber hian ṭhutna nei loin khelmual sirah din a ngai bawk. Tun ṭumah erawh ticket hi Rs 100 leh Rs 200 a ni dawn a, en man Rs 200 hi gallery chung lam niin Rs 100 man hi gallery hnuai lam a ni thung ang.

Aizawl FC-in an match hmasa berah East Bengal hmachhawnin point khat hlu tak an hlawh chhuak a, Barasat Stadium-a Kolkata club ṭha draw thei hi team ṭha an ni. Zirtawpni tlaiah Mizo club coach Khalid Jamil-a'n a duh ang thlapin player a rem theih tawh dawn a, player thar zinga sulhnu nei ṭha ber Syrian midfielder Mahmoud Amnah pawh a inlan thei dawn tihna a ni.

MPL club khingpui tur Miner­va Punjab hian nimin khan Aizawl an rawn thleng a, anni hi I League club thar niin an match hmasa berah goal awm loin Chennai City FC nen an inhnehtawk.