Kum hnih hnuah Dimitrov a champion

Grigor Dimitrov chuan kum hnih hnua a vawi khat nan champion nomawi a chawi leh ta. Dimitrov hian Kei Nishi­kori 6-2, 2-6, 6-3 a hnehin Brisbane International champion a ni.

World number 17 Dimitrov hian hnehna chang turin darkar khat leh minute 48 chhung a mamawh. Awlsam taka set hmasa ber a lak hnuah world number 5 Nishikori hian game pali la zawnin set hnihna a la a, set hnuhnung berah erawh Japan tlangval hian a service a humhim zawh loh avangin a tlawm zawkah a ṭang.

Bulgarian tlangval Dimitrov chuan, "Ka tan chuan kar khat nuam leh hlimawm tak a ni. Kum hnih hnuah hlawhtlinna ka chang leh thei hi ka lawm a, a hlu zual bik," a ti. Dimitrov tan tun ṭuma a champion hi 2014 Queen's Club hnua a vawi khat champion lehna chauh a ni.

Kum 27-a upa Nishi­kori hian Brisbane final hi vawi ruk a khelhna a ni a, mahse hnehna a la chang miah lo. Australian Open inbuatsaihna tour­nament-ah beisei angin hlawhtling lo mah se kum­i­na Grand Slam hma­sa berah chuan ṭha taka a khelh chhunzawm theih a beisei thu a sawi.