Spain third division club-ah Kashmir rawlthar

Jammu and Kashmir rawlthar pahnih Jammu Basit Ahmed leh Moham­med Asrar Rehbar te chu Spanish third division club Sociedad Deportiva Lenense Proinastur chuan season tawp thleng an hnena khel turin an lalut.

Central Reserve Police Force (CRPF) chuan Kash­mir naupangten mumal zawka infiamna huang chhung an luhchilh theih nan hma an la a, he an hmalaknaah hian Football Next Foundation nena thawk dunin an ruahmanna hnuaiah Srinagar rawlthar pahnih hian Spanish third division club tan an khel dawn ta a ni.

Real Kashmir FC winger Asrar Rehbar chuan, "Tun thla tawpah India chhuahsanin Spain hi kan pan ang a, club training kan zawm ve nghal ang. Kan khelhna tur hi age level emaw reserve team ni loin senior team-ah a ni a, hmun chang phak tur chuan ṭan a ngai khawp ang. Theihtawp chhuahin ka bei ang a, kan contract zawh hunah pawh Spain a cham chhunzawm zel thei turin theihtawp ka chhuah dawn a ni," tiin Vanglaini palai a hrilh.