Kings lakah Warriors chungnung

Golden State Warriors chuan NBA regular season kal meka a vawi khat nan Sacramento Kings an hmachhawn a, inkhel inhnehtawk takah 117-106 in hnehna an chang.

Warriors tan hian Stephen Curry, Kevin Durant leh Klay Thompson te chuan 30 points, 28 leh 18 ṭheuh score-in a vawi 32 nan hnehna an chang a, tun season-ah vawi ruk chak loh an nei tawh thung.

Nimin zing inkhelah Golden State hi quarter hmasa berah 33-24 ngawtin an hnufual nghal a, insiamṭha chhoin quarter hnuhnung pathumah an chungnung zawk a - a tawpa an inthlauhna chu point 11 a ni.

MVP Curry chuan, "Trail Blazers kan hneh loh zawh chiahah hnehna kan chan theih tak avangin a lawmawm ka ti hle. Inkhelh hmabak kan la ngah em em a, zawi muanga hnehna chan chhoh zel kan tum ang," tiin a sawi.