Australia-ah Premier League club-te inkhel dawn

Premier League club Manchester United, Aston Villa, Leeds United leh Crystal Palace te chuan Australia-ah 2022-23 pre-season an khelh tur thu an puang.

Man United hian Perth-ah July 23 hian Aston Villa an hmachhawn ang a, an inkhelhna tur Optus Stadium-ah hian entu 60,000 an leng. Manager thar Erik ten Hag hnuaia an match li khelhna tur a ni ang.

Villa hma hian Man United hian Liverpool (July 12), Melbourne Victory (July 15) leh Crystal Palace (July 19) te nen an inhmachhawn dawn. Steven Gerrard-a hote hian Leeds United leh Brisbane te nen an inkhel kual dawn bawk.

Leeds hian July 22-ah Crystal Palace nen Optus Stadium-ah an inkhel dawn. Jesse Marsch chuan, "Australia-ah match ṭha tak pathum kan khel dawn a ni ringawt lo a, khawpui nuam tak fanna remchang a ni. Infiamna an ngaina a, football pawh an hre ṭha hle," tiin an ram tlawh tur chungchang a sawi.