Swiatek a inhnukdawk

Iga Swiatek chuan Madrid Open a khel dawn lo. Hmeichhe tennis world number 1 hian tun hnaiah match a khel hnem a, a dar (shoulder) hliam vanga a chawlh rih a ngai dawn, hliam na tak erawh a ni hran lo.

Kum 20 mi Swiatek chuan, "Chawlh ka mamawh. Tun hnaiah a zawnin tournament pali ka khel a, vanneih thlak takin ka champion vek. Chawl loa ka inkhelh rei tawh avangin ka chau, ka dar a na bawk," tiin a sawi.

Polish nula hian 2020 khan French Open nomawi a lo chawi tawh, clay court hi a inkhelh thiamna hmun a ni. Kuminah hian a vawi hnih nan Roland Garros-ah hlawhtlin a tum dawn, chumi tur chuan tha khek a mamawh.