Messi hi mihring ve tho a ni - Henry

Arsenal leh Barcelona forward hlui Thierry Henry chuan Lionel Messi a chhan a, Argentine forward hi mihring ve tho a nih avangin chak lohna lai nei a nih thu a sawi.

PSG hi kar liam ta khan Parc des Princes-ah RC Lens nen 1-1 in an inhnehtawk a, French club goal awmchhun hi Lionel Messi khung niin champion-na goal a ni bawk.

French club ṭantu ṭhahnem tak erawh Champions League nomawi an chawi phak loh avangin an lungawi lo a, stadium an chhuahsan. Messi pawh a insum zo bik lo a, a ṭhianten champion an lawm laiin Argentina captain erawhin khelmual a chhuahsan.

Henry chuan, "Parc des Princes-ah tun hnaiah in auh elna a tam hle. Khawvela player ṭha ber emaw mi ṭhanem tak tana player ṭha emaw tan pawh a na ngei ang. An auh el avang khan champion lawm a châk lo pawh a ni thei a, mihring ve tho a ni a, châk lohna lai nei a ni," tiin a sawi.

PSG hian zanin dar 12:30 hian Strasbourg an tlawh dawn a, an result ai mahin khelmual pawn boruakin ngaihven a hlawh zawk ang.