India bul ṭanna tur Pakistan

Hockey inelna Asia Cup 2022 chu May 23 - June 1 hian Jakarta-ah khelh a ni dawn a, champion lai India mipa team chuan opening match-ah Pakistan an hmachhawn ang.

Tokyo Olympics bronze medallist India hi pool A-ah Japan, Pakistan leh a thlengtu Indonesia te nen an awm a, pool B-ah Malaysia, Korea, Oman leh Bangladesh te an awm bawk.

India leh Pakistan te hian Asia Cup-ah vawi thum ve ve an champion tawh a, champion ngun ber erawh South Korea niin vawi li an champion tawh a ni.