China Masters leh Dutch Open an ṭhulh

Badminton World Federation (BWF) chuan coronavirus vangin China Masters leh Dutch Open te chu season kal laiah neih theih a ni dawn lo tih an sawi chiang, season hman chhunzawm hun tur hi tih chian theih a la ni lo.

BWF chuan thuchhuah siamim, "China Master leh Dutch Open te chu BWF Tournament calendar aṭangin kumin atan thai bo an ni ta rih. May thlaa khelh tur kha a ni a, hri leng vangin August thla atan sawn a ni. A hun sawn a nih hnuah pawh hian khelh theih a ni dawn ta lo," an ti.

March thlatir lam khan All England Championship khelh a ni a, a hnu lamah erawh Covid-19 vangin badminton tournament khelh chhunzawm a ni tawh lo - season la titawp lo mah se khelh leh theih hun tur a la hriat theih loh.