Arsenal hmachhawn theih Saints
FA Cup fourth round fixtures chu Thawhṭanni zan khan pawh a ni a, Arsenal-in EFL Cup quarterfinal-a an hneh loh Southampton an hmachhawn dawn.
Champion lai Manchester United-in 2013 champion Wigan Athletic an mikhual ang a, Premier League hmahruaitu Chelsea-in West London Derby-ah Brentford an hmachhawn thung ang. Last 32 hi January 27-30 inkara khelh tur a ni a, January 17-18 khian third round replay khelh a ni nghal bawk ang.
Liverpool-in League Two club Plymouth an hneh thei a nih chuan Anfield-ah Championship club Wolverhampton Wanderers an mikhual ang a, Jurgen Klopp-a'n naupang rual chu a luhtir tawh bik lo ang.
Manchester City-in Pep Guardiola hnuaia FA Cup an khelh hmasak berah West Ham 5-0 in an sawp a, an khingpui tur chu Crystal Palace leh Bolton Wanderers chak zawk zawk a ni. League leh cup competition-ah Palace manager thar Sam Allardyce hmabak a khirh hle.
Premier League champion lai Leicester City-in iPro Stadium-ah Derby County an tlawh dawn a, East Midlands Derby a nih avangin Foxes hna a harsa sawt ang. Tottenham Hotspurs an vannei a, White Hart Lane-ah League Two club Wycombe Wanderers an mikhual dawn.
FA Cup khelh meka division hniam ber chu Sutton United an ni a, Amber and Chocolates (Sutton United kohna) hian National League an khel mek - he league chungah hian League Two, League One, Championship leh Premier League te a la awm.
Sutton hian third round replay-ah League One club AFC Wimbledon an hneh a nih chuan Championship club Leeds United an hmachhawn ang.
FA Cup - Fourth Round Fixtures
Southampton/Norwich City Vs Arsenal
Crystal Palace/Bolton Vs Manchester City
Manchester United Vs Wigan Athletic
Chelsea Vs Brentford
Tottenham Hotspur Vs Wycombe Wanderers
Plymouth Argyle/Liverpool Vs Wolverhampton Wanderers
Derby County Vs Leicester City
Fulham Vs Hull City
Middlesbrough Vs Accrington Stanley
Burnley/Sunderland Vs Fleetwood Town/Bristol City
Oxford United Vs Newcastle United/Birmingham City
AFC Wimbledon/Sutton United Vs Leeds United
Lincoln/Ipswich Vs Brighton
Millwall Vs Watford
Rochdale Vs Huddersfield Town
Blackburn Rovers Vs Barnsley/Blackpool
* Fourth Round hi January 27-30 inkara khelh tur a ni.
Third Round Replay
January 17, Thawhlehni Zan
Lincoln City 1:15 AM Ipswich Town
Burnley 1:15 AM Sunderland
Barnsley 1:15 AM Blackpool
Fleetwood Town 1:15 AM Bristol City
AFC Wimbledon 1:15 AM Sutton United
Crystal Palace 1:30 AM Bolton Wanderers
January 18, Nilaini Zan
Plymouth Argyle 1:15 AM Liverpool
Newcastle United 1:15 AM Birmingham City
Southampton 1:15 AM Norwich City