Saina leh Warriors-in semifinal lut

Saina Nehwal chuan Awadhe Warriors chu Premier Badminton League khelh mekah semifinal a hruai thleng. Thawhṭanni zana Warriors-in Bengaluru Blasters 4-3 a an hnehna inkhelah Indian shuttler dang Kidambi Srikanth pawhin hnehna a chang ve bawk.

Bangalore-a inkhelah London Olympics bronze medallist Saina hian trump match-ah Cheung Ngan Yi chu 9-11, 11-5, 11-5 in a hneh. Mipa singles-ah 2014 China Open champion Srikanth chuan world number 3 Viktor Axelsen 11-9, 11-9 in a hneh ve bawk. India tlangval Srikanth tan Rio bronze medallist hneh hi a club Warriors tan a ṭhat bakah a tan inrintawkna siamsaktu a ni ngei ang.

Awadhe Warriors hian match li an khelh tawh aṭangin point 18 hmuin league table hmahruaitu an nih chhunzawm zel a, semifinal lut turin an tling chiang tawh bawk. Hetihlai hian Bengaluru Blasters erawh a zawna an vawi li chak lohna a nih avangin point 11 hmuin pathumna an ni mek - an chunga awm Mumbai Rockets (16 points) aiin match khatin an khel tam zawk bawk.

Zanin hian inkhel pakhat a awm leh dawn a, Warriors hian an league match hnuhnung ber atan semifinal luh beiseina la nei Chennai Smashers an hmachhawn leh ang.

PBL-ah hian team paruk an inel a, an inkhelh kual hnuah a sang paliin semifinal an khel ang. League round bik hi Ningani zanah khelh zawh tur niin Janaury 13-ah semifinal khelh a ni ang a, Janaury 14-ah final khelh zui tur a ni bawk.

Inkhel Results
Bengaluru Blasters 3 - 4 Awadhe Warriors
Sourabh Varma bt Vincent Wong 13-11, 11-7
Sung Hyun & lost to A. Savitree & 11-9, 4-11, 5-11
Sikki Reddy Bodin Isara
Viktor Axelsen lost to K. Srikanth 9-11, 9-11
Cheung Ngan lost to Saina Nehwal(T) 11-9, 5-11, 5-11
Sung Hyun & bt Shem Goh & 6-11, 11-9, 11-6
Yeon Seong(T) Markis Kido