Entu awm loin Indian Super League

India ram football league-a ngaihven hlawh ber Indian Super League chu Covid-19 vangin entu awm loa khelh a ngai dawn niin phai lam media chuan an tarlang a, he thu buatsaih a nih thleng hian ISL lam erawhin thuchhuah thar an la nei rih lo thung. 

ISL season sarihna tur hi November-a khelh ṭan turin ruahmanna a awm nia sawi a ni a, March thleng a awh ang - mahse Covid-19 hri lengin ziaawm lam a la pan hleihtheih loh avangin inelna hi entu awm loa neih tum a ni a, home & away-a khel loin hmun hniha neih tum a ni bawk. 

Thawhṭanni khan ISL enkawltu Football Sports Development Ltd. (FSDL) leh club aiawhte chu an inhmukhawm a, inelna neihna tur hian Kerala, Goa, West Bengal leh Northeast lam thlithlai a ni bawk niin phai lam media chuan 

an tarlang. ISL lam hrechiangtu pakhat, a hming tarlan loh chuan, "Tuna ruahmannaah chuan state pakhat emaw pahnihah inelna hi neih mai ni se tih a ni," a ti a, Goa leh Kerala-in inelna hi an thlen chance a sang hle.