Bulls lakah Thunder an hrang

Nimin zing NBA regular season inkhelah Oklahoma City Thunder chuan Chicago Bulls lakah 109-94 in hnehna an chang a, tun season-ah vawi 23 hnehna an channa chiah a ni bawk.

United Center, Chi­cago-a inkhelah Thunder tan hian Steven Adams a langsar hle a, court chhungah minute 36 hun a hman chhungin point 22 a score a, rebound vawi nga a la bawk. Ani bakah hian Enes Kanter (20 points) leh Russell Westbrook (21) ten an thawh hlawk hle bawk.

Western Conference lama pasarihna ni mek Thun­der hian Ningani zing dar 6:30-ah Memphis Grizzlies an hmachhawn leh ang.