Zaninah Futsal League semifinal

Kuriz Collection MFA Futsal League semifinal chu zanin hian R. Dengṭhuama Hall, Mualpuiah khelh a ni dawn. League round-a point hmu sang paliten final khel tur an zawng dawn a, semifinal duhthusam tihin a sawi theih.

Zanin dar 7:30 hian Dinthar club Lawmna FC leh Electric Veng FC te an inkhel dawn a, dar 9:00-ah Thakthing club IDBI Capital leh Chanmari Zothan Futsal te an inkhel leh bawk ang.

Dinthar vs Electric Veng
Football thiam veng pahnih hian futsal pawh an thiam a, ṭantu pawh an nei ṭha. League round-ah team pahnih hi an inkhel tawh a, Electric Vengin 5-3 in hnehna an chang.

Amaherawhchu, Lawmna FC hian chhuanlam tur an nei - Electric Veng an hmachhawn ṭum hian knockout stage an lut tawh a, player ṭha an hahdamtir. Electric Veng erawhin chak tumin an khel a, an group-ah pakhatna an nih phah bawk.

Zaninah erawh chhuanlam neih a thiang lo a, futsal game hmuhnawm bakah fan-te au thawm ring ṭha tak hriat tur a awm bawk ang.

Chanmari beisei a sang
Chanmari Zothan Futsal-in a lungthu kim nan champion leh ngei an tum a, league round-ah pawh an group-ah pakhatna an ni. Group match hnuhnung berah Chanmari hian IDBI Capital hi 9-2 in an sawp a, heta ṭanga thlir chuan final lut tur a rin thiam theih.

Amaherawhchu futsal club hlun IDBI Capital-in tun hmain thil danglam an thlentir tawh ṭhin a, an player pawimawh Rohmingthanga awm lo mah se Chanmari barakhaih an tum ang.

Semifinal - Zanin Inkhel Tur
Lawmna FC, Dinthar 7:30 PM Electric Veng FC
IDBI Capital FC 9:00 PM Chanmari Zothan Futsal
Quarterfinal - April 28, Ningani
IDBI Capital, Thakthing Veng 2 - 2 Saron Veng FC
Penalty Shootout-ah IDBI Capital 5-4 in an chak
IDBI : Moses Lalrinzuala 12'; Lalrammawia 18
SFC : Lalremruata 4'; Isak Vanlalpeka 44'
MoM : David Lalrinpuia, IDBI Capital
Lawmna FC, Dinthar 6 - 3 FC Thyristor, Ramhlun Venglai
LFC : C. Lalnunthara 15'; George 32', 37'; Hualsangzuala 45', 50'; Michael 49' FCT : Lalremruata 20', 47', 48'
MoM : George MS Dawngliana, Lawmna FC
Chanmari Zothan Futsal 5 - 1 Amawii Bawngkawn FC
CZF : Lalremtluanga 10'; Lalremruata 17', 38'; H. Lalbiakthanga 18'; Zomuanpuia 37'
ABFC : Zachhingpuia
MoM : C. Lalrinsanga, Chanmari Zothan Futsal
Electric Veng FC 4 - 2 Zonuam FC
EFC : Jonathan Lalrawngbawla 12'; Lalhlimpuia 20', 43', 47'
ZFC : Lalthazuala 25', 31'
MoM: Lalhlimpuia, Electric Veng FC