Sethlun an thiam ber

Lunglei DFA hnuaia inelna lian - HPC Cup 2022 final chu nimin khan Ṭhuamluaia Mualah khelh niin, mipa lamah 3-2 a College Veng hnehtu Sethlun an champion, hmeichhe lamah Venghlun an champion bawk.

Champion lai Electric Veng petthlatu Sethlun tan Odhisa FC midfielder CVL Remtluanga chuan inkhel ṭan aṭanga minute hnihna lekah freekick aṭangin goal hmahruai a thun.

Goal khat an thun aṭanga minute 14 hnuah College Veng defender tihsual zar zovin C. Vanlalzawma'n a belhchhah. Sethlunin an la duh tawk mai lo, an striker tlan chal PC Lalhruaisanga'n minute 24-naah an goal thumna a thun.

Second half-ah kum 2012 champion College Vengin lehthal an tum, an game erawh a mumal thei lawk lo. NorthEast United midfielder F. Lalrempuia freekick pet chu defender palian Benjamin J. Lalrinliana'n tauh goal-in an si phurh a sut then.

Hun pek belhah Lalrempuia'n College Veng goal hnihna thunin an beiseina mei mit tawh a chhem nunsak, goal dang erawh an khung thei ta lo.

Hmeichhe lamah Venghlun chuan first half-a Lalrinmawii goal thun hmangin si khat faiin Pukpui an hneh a, an champion bawk.

Final - Thlirna Tawi
Mipa
Sethlun 3 - 2 College Veng
SET: CVL Remtluanga 2'; C. Vanlalzawma 16'; PC Lalhruaisanga 24'
COV: Benjamin J. Lalrinliana 52'; F. Lalrempuia 90+3'
Hmeichhia
Venghlun 1 - 0 Pukpui
VEN: Lalrinmawii

Lawmman
Mipa
Champion: Sethlun Rs. 1,00,000 + Trophy
Runner-up: College Veng Rs. 40,000
Fair Play: Sethlun Rs. 5,000
Man of the Match: CVL Remtluanga, Sethlun
Best Player: Nelson Lalnghenchhana, Sethlun
Top Scorer: K. Lalrosanga, College Veng (9 Goals)
Most Promising: Vanlalzawma, Sethlun
Hmeichhia
Champion: Venghlun Rs. 20,000 + Trophy
Runner-up: Pukpui Rs. 10,000
Fair Play: Pukpui Rs. 2,000