Reds & City fixture thlak danglam

Premier League champion nih tuma inum mek Liverpool leh Manchester City-te league fixture chu thlak danglam a ni a, Reds-in Premier League tawp karah match hnih khelh tur an nei dawn!

Liverpool hian FA Cup final-ah May 14, zan dar 9:15 khian Chelsea an lenchilh dawn a, Wembley Stadium-a an inkhel tur avang hian Southampton nena an inkhel tur chu May 17, zan dar 12:15-ah sawn a ni.

Merseyside club-in May 22, zan dar 8:30-ah Wolverhampton Wanderers an hmachhawn dawn bawk si a, hemi a nih avang hian Premier League kartawp inkhelah Reds hian match hnih an neih dawn phah.

Liverpool tana lawmawm erawh Anfield-ah an match tawp ber hi an khel dawn a, mahni mualah ngei champion an lawm lo ang tih a sawi theih loh.

City-in May 15 zan dar 9:00-ah West Ham an lenchilh dawn a, May 22 zan dar 8:30-ah Liverpool legend Steven Gerrard enkawl Aston Villa an mikhual ang.

Gerrard-a'n a club enkawl hmangin, a hmangaih Liverpool champion-na tur a pui thei ang em, tih chu zawhna, a chhanna hriat châkawm tak a ni bawk.

Liverpool hmabak
Inrinni, April 30 Away v Newcastle
Thawhlehni, May 03 Champions League semi-final second-leg away v Villareal
Inrinni, May 07 Home v Tottenham
Thawhlehni, May 10 Away v Aston Villa
Inrinni, May 14 FA Cup final v Chelsea
Thawhlehni, May 17 Away v Southampton
Pathianni, May 22 Home v Wolves

Manchester City hmabak
Inrinni, April 30 Away v Leeds
Nilaini, May 04 Champions League semi-final second-leg away v Real Madrid
Pathianni, May 08 Home v Newcastle
Nilaini, May 11 Away v Wolves
Pathianni, May 15 Away v West Ham
Pathianni, May 22 Home v Aston Villa