Sevilla striker thar Jovetic
Manchester City striker hlui Stevan Jovetic chuan tun season tawp thleng cham turin Sevilla a zawm a, loan-a an inremna hi a tawp hunah La Liga club hian an duh a nih chuan a nghetin an lalut thei ang.
Kum 27-a upa Jovetic hian Premier League club City aṭangin loan hmangin kum 2015 khan Inter Milan a zawm a, nikum khan a nghetin a lut zui. Serie A club tan hian league match 26 a khelh aṭangin goal ruk a khung hman. Montenegro international Jovetic hian City tana a khelhpui ṭhin Samir Nasri chu Sevilla-ah hian a khelhpui leh ang.
City tana goal 11 khungtu striker chuan, "Samir Nasri chuan Sevilla chu club ṭha tak a nih thu min hrilh. Sevilla ka zawm duh chhan chu Champions League an khelh phak vang leh league nomawi inchuh zinga an tel phak vang a ni," tiin a sawi.