Russia buaina a la reh thei lo

Khawveal ram hrang hranga 19 aṭanga infiamna dan leh hrai kengkawhtute inhmuhkhawmna National anti-doping organisations (NADOs) summit chu Thawhlehni khan Dublin-ah neih a ni a, Russia chu an infiammite mai bakah hremna na zawk pek ngei an duh.

Russia sorkar hian kum 2011-2015 inkar khan an rama infiammi 1,000 chuang zet chu an thil tih dik loh a zep sak bakah dan dik loin damdawi hman phal loh chungchangah test a neihtir tih hmuh chhuah a ni a, hei vang hian an lakah hremna hrang hrang lekkawh a lo ni tawh.

Nakkumah Russia hian 2017 bobsleigh leh skeleton World Championship te a thleng dawn a, NADO chuan heng infiamna khawmpui lian a thlen tur thleng hian hlih sak an duh.

NADOs CEO Joseph de Pencier chuan, "Russia hian dan a bawhchhe ngei tih a chiang a, ṭha taka ram dangte nen inelna an neih leh theih nan chuan chhungril aṭangin an insiam ṭhat a ngai. Dan leh hrai ṭha leh mumal tak an nei hmasa phawt tawh tur a ni," tiin a sawi.