Chennai Smashers an tlang ve leh ta
Premier Badminton League khelh mekah Chennai Smashers chuan Mumbai Rockets 4-1 a hnehin semifinal an inhlangkai ve leh ta.
Chennai hian point 14 hmuin table-ah pathumna an ni a, match khat khelh hmabak an la neih avangin pahnihna ni turin kawng a la awm. PBL-ah hian Mumbai bakah Awadhe Warriors te chu a sang pali zingah an tel chiang tawh. Zanin hian league round match hnuhnung ber khelh tur niin Hyderabad Hunters hian Delhi Acers an hneh a nih chuan semifinal an la lut thei bawk.
Thawhlehni zan inkhelah Chennai Smashers tan hian Rio Olympic silver medalist P.V. Sindhu chuan Ji Hyun Sung 11-8, 12-10 in a hneh a, trump match-ah Chris Adcock leh Tommy Sugiarto te ṭangdun chuan Chirag Shetty leh Nadiezda Zieba te lakah 9-11, 11-2, 11-7 in hnehna an chang ve bawk.
Indian mipa shuttler pahnih inkhelah Mumbai Rockets aiawhtu H.S. Prannoy chuan 9-11, 11-13 in P. Kashyap hneh mah se a team a chakpui zo lo thung. World number 17 Ajay Jayaram chu rin loh takin amah aia ranking hniam zawk, world number 21 Tommy Sugiarto lakah 8-11, 11-2, 11-5 in a chak lo bawk.
Inkhel Results
Chennai Smashers 4 - 3 Mumbai Rockets
P. Kashyap lost to H.S. Prannoy 9-11, 11-13
Chris Adcock & bt Chirag Shetty & 9-11, 11-2, 11-7
Gabrielle Adcock (T) Nadiezda Zieba
Tommy Sugiarto bt Ajay Jayaram 8-11, 11-2, 11-5
P.V. Sindhu bt Ji Hyun Sung 11-8, 12-10
Chris Adcock & lost to Yong Dae Lee & (T) 3-11, 5-11)
Mads Pieler Kolding Nipitphon Puangpuapech