Napoli-in quarterfinal an lut

Emanuele Giaccherini goal hnih hmangin Napoli chuan Spezia 3-1 a hnehin Coppa Italia quarterfinal an lut a, January khian Fiorentina leh Chievo te inkhela chak zawk nen an inhmachhawn leh ang.

Serie B club Spezia hian nikum khan AS Roma an lo pet chhuak tawh a, kuminah pawh beisei phak bakin an khel ṭha. Thawhlehni zan inkhelah Napoli hian Piotr Zielinski hmangin goal hmahruai khung mah se Antonio Piccolo chuan an siphurh a sut nghal.

Second half-ah Giaccherini a inlar, Italy tana match 29 khel tawh midfielder hian goal hnih khungin a club thar a chakpui. Kum 31-a upa Giaccherini hian July thla khan Napoli a zawm a, a zawnin match thum chhung goal a khung ta.

Napoli hian Serie A lama an elpui Juventus an um chhunzawm leh nghal dawn a, kartawp hian league match-ah Pescara an hmachhawn zui dawn a ni.