Mercedes technical boss a bang

Formula 1 team con­structors' champion Mer­­cedes technical boss Paddy Lowe chuan a hna a bansan. Kum 54-a upa Lowe hian tun hnai kum thum chhungin Mercedes chu driver leh constructors' champion a nihpui a, a kalsan tak team tan chuan channa nasa tak a ni thei ngei ang.

Lowe chuan, "Merce­des tana hun nuam leh hlimawm ka hman chu a liam ta a, he team hi ṭha taka an kal zel theih nan duhsakna ka hlan. Ka ṭhian leh thawhpui zawng zawng te chungah thinlung takin lawmthu ka sawi," a ti.

Nairobi, Kenya-a piang Lowe hian Williams a zawm dawn nia sawi a ni a, Formula 1 team bakah sumdawnna lamah thuneitu a ni dawn niin an tarlang. Khawthlang thuthar thehdarhtute chuan a hmun ruak luah tur hian Mercedes chuan Ferrari technical director James Allison an be fel vek tawh niin an sawi.

Mercedes executive director Toto Wolff chuan, "Paddy hian tun hnai kum thum leh a chanve chhunga hlawhtlinna kan chhanna kawngah a thawhhlawk hle a, a hnathawhte avang hian a chungah kan lawm hle. Formula 1-ah chuan mimal ṭhat aiin team ṭhat tlan a pawimawh zawk a, team ṭha tak nih chhunzawm turin tha kan thawh chhunzawm ang," tiin a sawi.