Saitual DFA Cup champion Venghlun

Saitual District Football Association buatsaih - Saitual DFA Cup hmasa ber chu Inrinni khan khelh zawh a ni a, inkhel hmuhnawm takah Venghlun FC chuan Venglai FC 4-3 a hnehin an champion.

Keifang Centenary Football Ground-a final inkhelah Venghlun tan K. Lalhriatzuala'n hattrick a siam a, Lalchhanchhuaha chuan goal khat a nei bawk. Venglai tan Zothanpuia, K. Lalthlahlova leh Danny Zorammawia ten khung ve mah se chak nan a tawk lo.

Tournament-ah hian Saitual DFA hnuaia zone paruk - Rulchawm, Tualbung, Phullen, Suangpuilawn, Hliappui leh Ngopa champion ṭheuh te bakah, Saitual khawpui chhunga club pasarih ten inelna hi an hmachhawn.

Saitual DFA hian thla hmasa khan Mizoram Football Association buatsaih - MFA Cup chu hlawhtling takin a lo thleng tawh a, ram pum huap inelnaah hian Champhai an champion.

Thlirna Tawi
Champion Venghlun FC, Keifang
Pahnihna Venglai FC, Saitual
Best Player K. Lalhriatzuala, Venghlun FC
Top Scorer Lalhriatzuala, Venghlun FC
Fair Play Venglai FC, Saitual