Mixed doubles champion Mizo

North East Regional Sports Week for Celebration of Azadi Ka Amrit Mahotsav (AKAM) neih mekah, Mizoram Table Tennis Association aiawha kal Lalthansangi Sailo leh C. Lalmuanawma te inkawp chu table tennis mixed doubles-ah an champion.

Inelna ni April 28 aṭanga May ni 3 chhungin, Imphal, Manipur-ah neih a ni a, mixed doubles bakah hian mipa leh hmeichhe singles inelna pawh an la hmachhawn leh dawn.

Teboihi leh Muan-awma te inkawp hian final-ah Kaushik Phukan leh Adrija Sarmah, Assam te inkawp chu 3-2 in an hneh. North East Level Table Tennis inelna a Mizoram aiawha mixed doubles champion hmasa ber record an siam nghal a ni.

Mizoram aiawha Table Tennis khel te hian hmeichhe team-ah silver medal la tawh in, mipa team-in bronze medal an la tawh. Mixed doubles-ah vek hian Malsawmtluangi leh Lalmalsawma te inkawp chuan bronze medal an la bawk.