Timberwolves hnehin Grizzlies an tlang

NBA playoff a hmuhnawm chhunzawm, Inrinni zing inkhelah Memphis Grizzlies chuan Minnesota Timberwolves chu 114-106 in an hneh, game 6 an khelh zawh hnuah Grizzlies hian best of seven series chu 4-2 in an la.

Quarter hnuhnung ber tir lamah Grizzlies an talbuai, point 13 zetin an hnufual hman. Mahse, a tawpah erawh huaisen taka tho chhuak lehin a chak zawkah an ṭang, hnehna an chan theih nan Dillon Brooks leh Desmond Bane ten point 23 ve ve an nei.

Nizan zanlai khan Western Conference semifinal khelh zui nghal a ni a, seeded pathumna Golden State Warriors leh Grizzlies hi an intum leh nghal. Playoff chin hi best of seven series hmanga khelh a ni a, tlang turin match li tal chak zel a ngai.

NBA Playoff
Inrinni Inkhel Result
Memphis Grizzlies 114 - 106 Minnesota
Timberwolves
(Grizzlies hian 4-2 in series an la)