Final-ah Chanmari Vs Electric Veng

Kuriz Collection MFA Futsal League-ah champion lai Chanmari Zothan Futsal Club leh Electric Veng FC ten final an khel dawn. Inrinni zan inkhelah Chanmari Zothan hian IDBI Capital chu 7-4 in an hneh a, Electric Veng FC-in Dinthar club Lawmna FC 5-4 in an hneh bawk. Final hi May 3, Thawhlehni zan hian R. Dengṭhuama Hall-ah khelh a ni ang.

Chanmari Zothan hian inelna hmasa pahnihah an champion tawh a, tun ṭumah hian a lungthu kim nan champion ngei an tum. Semifinal-ah Samuel Lalrinzuala Sailo kaihhruai Chanmari an chungnung a, football lamah pawh tawnhriat nei ṭha Rochhingpuia leh H. Lalbiakthanga te an neih bawk avangin harsatna nei loin IDBI Capital FC an hneh.

Electric Veng FC leh Lawmna FC inkhel erawh league round ang thoin an nung ṭha a, Dinthar club-in an sa huai an ser nghal chungin Electric Veng an vannei ta zawk. Futsal inkhel hmuhnawmah Electric Vengin hma hruai chho char char mah se goal khung thei bik George MS Dawngliana hmangin Lawmna FC-in minute 47-naah siphurh a sut zo. Hun tawpah erawh tawnhriat nei ṭha Lalhlimpuia (Tat-a) danglamna a rawn lang a, minute 50-naah chakna goal a lut.

Semifinal - December
Lawmna FC, Dinthar 4 - 5 Electric Veng FC
LFC : Michael K. Lalhriatpuia 28', 48'; George MS Dawngliana 42', 47'
EVFC : Lalrinsanga Khawlhring 4'; Lalthakima 9', 22', 42'; Lalhlimpuia 50'
MoM : Lalthakima, Electric Veng FC
IDBI Capital FC, Thakthing Veng 4 - 7 Chanmari Zothan Futsal Club
IDBI : Isaac Ramfangzauva 5'; Lalrinchhana Tochhawng 13', 24'; Thomas Lalengkima 49'
CFC : David Laltlansanga 12', 22'; K. Roluahpuia 15', 39'; Rochhingpuia 19', 32'; H. Lalbiakthanga 39'
MoM : H. Lalbiakthanga, Chanmari Zothan Futsal