Petr Cech a mangang

Arsenal goalkeeper Petr Cech chuan tun hnaia clean sheet a nei thei lo lutuk chu a mangan thlak hlea a hriat thu a sawi.

Kum 34-a upa Cech hian November leh December thla chhung khan a zawnin league match riat chhung clean sheet a nei lo. Premier League match 386 a khelh tawh aṭangin a record chhiat ber ṭum a ni.

Chelsea si ban nghak hlui Cech chuan, "Inkhelh a pawimawh ber chu player zawng zawngin ṭha taka kan khel chunga hnehna chan a ni a, chutihrualin kan tlarhnung a phui ṭhat hi a pawimawh hle," tiin a sawi.

Cech chuan sawi chhunzawmin, "Kan team hian kan khel chhia a ni hran lo a, hmalam kan pan mek zel. Mahse, inkhel ṭhenkhata goal kan chhuah hi chu ven theih a ni a, a chhan pawh ka mawhphurhna ka hlen tawk loh vang a ni. Football level sang taka khel reng thei tur chuan mahni insiamṭhat zung zung a ngai," a ti.

Premier League table-a pangana Arsenal hian Inrinni zan dar 8:30-ah Swansea City an lenchilh ang.