Europe-a inlan thei lo tur Belgrade

UEFA chuan Partizan Belgrade chu season thum chhung atan Champions League leh Europa League a inlan thei miah lo turin a hrem a, Serbian Super Liga champion hi leiba rulh loh an ngah avanga he hremna hi pek an ni.

Europe a football thuneitu sang ber UEFA chuan sum bat chungchanga an dan siam chu Belgian club hian kum nga chhungin vawi thum an bawhchhe hman an ti a, September 2106 thleng kha chuan Belgrade hian ba rulh loh pound maktaduai 2.17 an nei niin an tarlang bawk.

Partizan hi kum 2013 khan leiba rulh ṭhat loh vang thoin Europe inelnaa kum khat chhung inlan thei lo tura hrem an lo ni tawh a, UEFA Club Financial Control Body chuan Partizan sulhnu thlirin an hremna chu thil awm tak a nih thu an sawi.