Chennai hmachhawn tur Mumbai Rockets

Premier Badminton League semifinal chu zanin aṭangin khelh ṭan a ni dawn. Dar 7:00-ah Mumbai Roc­kets leh Chennai Smashers te an in­hmachhawn ang. League round lamah Chennai hian Mumbai hi 4-3 in an lo hneh tawh a, final lut turin inrintawkna an nei ṭha hle ang tih a chiang.

Chennai hian Nilaini zan khan an group match hnuhnung ber khelin table chung bera awm Awadhe Warriors chu 4-3 in an hneh. Chennai tan hian Indian shuttler an che ṭha hle. Trump match-ah P. Kashyap chuan 11-7, 5-11, 11-7 in Aditya Joshi a hneh bakah PV Sindhu chuan Rituparna Das lakah 11-4, 11-6 in hnehna a chang ve bawk.

PBL-ah hian Awadhe Warriors chuan semifinal an lut chiang tawh bawk a, an khingpui tur erawh a la chiang lo. Nizan khan group match hnuhnung berah tla chiang tawh Delhi Acers leh Hyderabad Hunters an inhmachhawn a, Hyderabad hian hnehna an chang a nih chuan an chunga awm Bengaluru Blasters leh­pelin semifinal an lut ve bawk ang.

Inkhel Results
Chennai Smashers 4 - 3 Awadhe Warriors
Tanongsak Saensomboonsuk lost to Vincent Wong 11-6, 9-11, 10-12
Chris Adcock & bt Bodin Isara & 11-4, 11-9
Gabrielle Adcock P. Sawant
P. Kashyap (T) bt Aditya Joshi 11-7, 5-11, 11-7
P.V. Sindhu bt Rituparna Das 11-4, 11-6
Sumeeth Reddy & lost to Goh Shem & 10-12, 8-11
Mads Pieler Kolding Markis Kido (T)