PSG-in semifinal an lut

Champion lai Paris Saint-Germain chuan cap­tain Thiago Silva goal hnih hmanga Metz hnehin French Cup semifinal an lut.

Unai Emery naute hian an match hnuhnung pahnihah Lorient leh Bastia te an hneh a, goal 12 khungin goal an chhuah miah lo. Metz lakah pawh an goal venghim nawnin Brazil defender Silva hian minute 27-naah Angel Di Maria corner pet tauh lutin goal hmahruai a khung a, an goal hnihna pawh corner aṭanga tauh luh tho a ni.

PSG coach Emery chuan, "Inkhel kan thu­nun a, goal khung tura hun ṭha vawi tam tak kan insiam theih avang khan a a lawmawm. Kan lawmna tur pakhat chu match thum chhung goal kan chhuah lo zawn tawh hi a ni," tiin a sawi.