Dhoni captain-na hnuaiah Chennai chak

Indian Premier League champion lai Chennai Super Kings-in Ravindra Jadeja hnuaia an chet ṭhat tawk loh avangin Mahendra Singh Dhoni chu captain atan la kir a, India captain hlui hian hnehna an chanpui nghal. Pathianni zan inkhelah Chennai (202/2) hian Surisers Hyderabad (189/6) chu 13 runs-in an hneh.

Maharashtra Cricket Association Stadium-ah Hyderabad-in vawm hmasak an thlang a, Chennai opener pahnih Ruturaj Gaikwad (99) leh Devon Conway (85*) te an chet ṭhat avangin thutlukna an siam sual. Hyderabad opener Abishek Sharma (39) leh captain Kane Williamson (47) ten bul ṭan ṭha mah se target a sang mah mah a, over 20-ah 189/6 chauh an tlin.

Pathianni inkhel dangah Lucknow Super Kings (195/3) chuan Delhi Capitals (189/7) chu run rukin an hneh bawk. Zanin dar 7:30 hian Gujarat Titans leh Punjab Kings te an inkhel ang.