CYMA Cricket Zemabawkin quarterfinal an lut

Central YMA leh Cricket Association of Mizoram buatsaih 11th Inter Branch Cricket Tournament chu ground pathum Durtlang, Ramhlun Sports Complex leh Mualpuiah khelh chhunzawm zel a ni.

Seeded team zinga mi Zemabawk an inlan a, last 16 match hmasa berah Zembawk hian awlsam takin Tuithiang an hneh. Nimin khan second round khelh zawh a ni a, last 16-a dah sa seeded team-te hmachhawn tur a chiang ta bawk.

Tun ṭum inelnaah hian tournament hnuhnung bera quarterfinal lut Zemabawk, Luangmual, Chaltlang, Durtlang, Ramhlun Venglai, Ramthar Veng, Chanmari leh Armed Veng te chu seeded an ni a, last 16 lut sa an ni.

Vawiin hian match khat chauh khelh a ni dawn a, Luangmual-in Zembawk East an hmachhawn ang a, Chaltlang leh Tuikual South an inkhel ang. Last 16 hi May 4, Nilaini hian khelh zawh a ni ang a, quarterfinal aṭangin Sihhmuiah khelh a ni ang.