Pep faktu De Bruyne

Covid-19 vanga inkhelh chawlh a nih hnuah Premier League khelh chhunzawm a ni a, Manchester City-in Arsenal 3-0 in an sawp nghal. City tan Kevin de Bruyne thiamzia pholan a ni a, Belgian midfielder hian manager Pep Guardiola a fak hle.

Kum 28 mi De Bruyne chuan, "Ka lawmna chu ka khelh dun dana khelh duh mi coach ka hrawn hi a ni a, engkim hi a awlsam phah hle. Pep hian a duh dan min hrilh chiam lo a, zalenna min pe a, a duh danin kan khel. Chutihrualin eng emaw fuh tawk lo a awm chuan ka hrilh mai a, kan inpawh hle," tiin Pep Guardiola nen an rilru put hmang a inan thu a sawi.

De Bruyne hian tun season-ah goal kua a khung tawh a, a goal khung aia langsar zawk erawh a ṭhiante ball ṭha a pe ṭhin hi a ni a, assists pawh vawi 16 ngawt a nei tawh. Zanin dar 12:30 hian Man City-in Burnley an mikhual dawn a, Belgian midfielder hi inlan ngei tura beisei a ni.