Record thar nen Curtis Blaydes a chak

American fighter Curtis Blaydes chuan nimin zing khan UFC heavyweight-a takedown ngah ber record thar a siam a, Las Vegas khawpuiah a khingpui Alexander Volkov chu vawi 14 ngawt a theh thal!

Kum 29 mi Blaydes hian Volkov nen round nga an in fight chhungin a thunun hneh hle a, unanimous-decision hmanga chak zawkah puan niin 49-46, 48-47, 48-46-in judge ten chak zawkah an puang. 

Blaydes chuan, "Hnehna ka chang a, ka taksa peng zawng zawng hi lawmin an khat vek a ni. Kil tin aṭanga min enin zawt ula, hlim lo lai reng reng a awm lo," tiin a sawi. 

Nimina Blaydes-a'n record a siam hma hian Cain Velasquez chuan kum 2012 khan UFC 115-ah Junior dos Santos hmachhawnin vawi 11 takedown a lo nei tawh a, he record hi Blaydes hian a rawn khum ta a ni.